Aki dong mun dotna te (FAQ)

Naupang lai pilsinna zia le sangap nang aki dong mun dotna FAQ te dawn kik na.

Hih sang pen kua te a ding hiam?

Sanginn-bulphuh leh Inn-bulphuh pilsinna MAN NGENLO pilsinna pen CAP Tulsa pan phalna a ngah nau a pai te leh nau a suak cil pan kum 4 nuai te a ding ahi hi. CAP Tulsa te in SNAP (food stamps), SSI, TANF, or OKDHS or Minam pan nau kep na ding huhna a ngah innkuan te pen ngaihsun masa zaw hi. Ahih hang in tuate a ngah lo innkuan te zong sangap thei veve hi.

CAP Tulsa in bang teng ong sep sak hiam?

Ko ii naupang neu pilsinna ah sangkah naupang a nei innkuan te aa ding zong vaihawmna tuamtuam leh theihhuai thu tuamtuam hawmsawnna te ka nei uh hi. Naupang neu pilsinna tawh kisai thu hih ah simbeh in.

Ko ii naupang neu pilsinna ah sangkah naupang a nei innkuan te aa ding zong vaihawmna tuamtuam leh theihhuai thu tuamtuam hawmsawnna te ka nei uh hi. Innkuan te aa ding vaihawmna te tawh kisai thu hih ah simbeh in.

Sang kah hunte nai bang zah sung hiam?

Ko sanginn te uh pen Monday pan Friday hi in zingsang nai 8:10 a.m. pan nitak nai 2:30 p.m. dong ki hong hi.

Ka sanginn a tamzaw te uh ah Sangkahma leh Sangman zawh Hunval Kikepna at zong nei uh aa, sum piakbeh a kul hi. Hih Sangkahma leh/aikeileh Sangman zawh Hunval Kikepna na lunggulh leh sang na ap ciang ong thei sak un.

Sangte koi mun teng ah om hiam?

Tulsa khuasung ah sanginn 10 ka nei uh hi. Sanginn atam zaw pen ko tawh ka kipawl khop kumpi elementary sanginn te ii a gei lian ah om uh a, na ta te tanlang akah hun ciang baihtak in sang laih theih na ding kigel hi. Ka sanginn te uh gamlim tawh lahna hih ah en in.

Bang hang in man ong ki ngen lo hiam?

CAP Tulsa in Tulsa khua sung ah a om ki tangsam innkuan te aa ding hoihna-sang a nei bulphuh leh sanginn-bulphuh naupang neu pilsinna man ngenlo in a piak zawh na ding, federal kumpi kiang pan Head Start leh Early Start huhna sum ngah a, Oklahoma state kiang pan OECP (Oklahoma Early Childhood Program) huhna sum ngah hi. CAP Tulsa naupang neu pilsin sangkahna ah sangkah naupang a nei innkuan te aa ding zong pilna siamna leh adang panpihna vaihawmna te man ngenlo in pia ung.. Ko pen sum met bawl lo 501(c)(3) kipawlna hi a, US kumpi Office of Head Start leh khua sung ah mipi kipawlna te in hong panpih uh hi.

Sangap na ahihkei leh zum pi ah bang te hih ding hiam?

NulehPa/Thukhun Phalna tawh Naukem Mi te in a kisam laidal te tawh sangap kipan masak kul hi. Hih sangapna hun sung ah CAP Tulsa nasemmi te in innkuan lai koihkhopna khat na bawl ding uh aa, sangap interview dotna te zong nei in, a ki tangsam laidal te khempeuh ong kaikhawm ding uh hi. Sangapna ding a mun leh a hun te gelna tawh kisai thu theihbeh na ding CAP Tulsa Facebook na follow in aikeileh hih ah mek in. 

Sangap na ding bang lai teng ki sam hiam?

Akisam laidal te hih ah en in.

Sang ka siau khit teh bang ci ding hiam?

Sangapna na man khit ciang, na innkuan thu pen thu tuamtuam khoptuahna sung ah ki koih aa, hih in “Naupang Neu Pilsin Sangkahna” sangkah ding ngakna ah na ta na guang hi. Mun awng khat a om ciang, hih thu tuamtuam khoptuahna in sangkah ding ngakna sung aa om naupang te sung pan khat a teel khia hi. Hih teelkhiatna pen nam tuamtuam tungtawn in ki teel khia hi aa, koi sanginn ah mun awng kihong hi aa, bang kum gual te kahna sangkhan hi in, tua a kihong sangkhan ii panpihna sum ngahzah, innkuan ki tangsapna leh a dang tuamtuam te en aa ki teel khia hi. Hih tawh kisai theihbeh nop leh, hih ah mek in.

Sang kah ding a ngak na pen bang dan hiam?

Naupang khat sangapna lai a ki sansak khit ciang, tua naupang pen sangkah ding ngakna ah a min ki guang masa hi. Tua pan in naupang te a kigualna mun tung tawn in CAP Tulsa Naupang Neu Pilsin Sangkahna khat ah kah ding in kisang hi. Sangkah ding ngakna sungah naupang te koi mungual ah ki koih cih pen koi naupang te huh ding ki tangsam pen aa Pilsin sangkahna ii kisapna, agency tupna, kum sim khuasung mipi tangsapna tuatkhiatna, leh CAP Tulsa ii huhtheih zawh zah te tungtawn in naupang teelkhiatna ngah ding etna ah a ki hel/en ding te kumsim in sehna ki nei hi. Hih tawh kisai thu simbeh na ding hih ah mek in.

Bang hang in ki ngak kha hiam?

Sangkah ding Ngakna a cih in::

• Naupang te teelkhiatna ngah ding etna tungtawn in mun kigual na hi. 
• Sangapna lai ka ngah hun uh tawh kisai lo hi. Kam dang khat in gen le hang “a ap masa, ngah masa” cih dan hilo hi.
• Sangapna lai te ngah hun sim in, ong ki ap naupang khat ciat ii ki tangsapna tung tawn in mun gualhna atawntung in kilaih den hi.

• Naupang neu pilsin sangkahna ah sangkah ding in naupang te hih min gualhna sung pan ki teelkhia hi. Kiteel na pen naupang ii kum, mun awng na leh, sangkah ding ngakna sung ah a dinmun kigualhna tungtawn in kiteel hi.

• Hih tawh kisai thu simbeh na ding, hih ah mek in.

Kata sang a ngah pen koi dan in thei ding ka hiam? How do I know when my child has been accepted?

Na innkuan sangkah thei ding in ong ki teelkhiat aa leh, sang na ap hun in kizopna neih ding na piaksa (phone, email) pan thu hong ki za sak ding hi. Family Enrollment Meeting (FEM) ki muhkhopna neih na ding a ni leh a hun te hong ki pia ding hi. Hih FEM ki muhkhopna ah, nang leh na ta(te) tawh ko sangap zum aa nasem te kimu khawm ding hi aa, laidal apsa te et kik na, nang kiang pan a kisam thu leh letmat giit ding te kaikhopna, leh dotna na neih te dawnna te om ding hi. CAP Tulsa Health pan in cidamna lam ah a sem khat tawh zong ki muhkhopna om ding aa, na ta sangkah kipan theih na ding a kisam cidamna sitna te zong nei ding hi.

Sangap ding ni te ah kei na sem ing. A gam la pan ka ap thei diam?

He. Sangap Zum in innkuan te mitang kimu in hitaleh agamla pan hitaleh sangap theih ding in vaihawm hi. Sangapna lam ah a sem te hopih kizop na ding, hih Zum nasem te tawh kizopna ah pai in. Zum nasem te in sangapna tawh kisai ong huh ding leh dotna na neih te ong dawng ding in kiging sa in om den hi.

Ka ta i natdal zasut na (shot record) copy te koi pan ngah thei ding ka hiam?

Na ta ii zatui kisutna lai pen na siavuan aikeileh na kilahna zato neu ah ki la thei hi.

SNAP, SSI, TANF, or OKDHS kumpi lam pan naukep na ding huhna ngah na te koi dan in ong lak thei ding ka hiam?

Huhna ngah laidal hong tawi in. Huhna ngah laidal na muh kei leh, huhna na ngahlam lak theih ding khat ong vaihawm sak na ding OKDHS aikeileh Social Security Administration ah thukan in. Na khua sung aa om zum zon ding tawh kisai huh ding na kisap leh, 2-1-1 sam in.

Kata i pumpi cidam (physical exam) sitna te koi pan ngah thei ding ka hiam?

Na ta sang na ap ciang, na piak khawm pah theih na ding in, na ta ii siavuan kiang ah kum-cin kisitna lai ngen in. Manpiak kullo aikeileh man a tawm zaw in naupang kum-cin kisitna lak theihna mun te na theihnop leh, hih zato inn te na en in.

Kata i cidamna lak na (health insurance) pen bang ci dan in ong lak ding ka hiam?

Na ta ii Medicaid, SoonerCare, ki leitawm insurance card, aikeileh insurance na neihna ciatsakna ding a dang laktheih khat ong tawi in.

Kata pen huhna a ki sam naupnag hi. Sangap thei veve ding hiam?

He. Na ta in Pumpi natna aikeileh atuamngiat huh kisapna a neih leh,IEP/IFSP laidal na ap kul hi. IEP/IFSP laidal pen tua IEP/IFSP laidal tung aa om khantohna leh matutsawmna te phakzawhna ding in khatciat aituam ading sep zia ding te kumpi sang aikeileh SoonerStart te in ong gelhsak na lai a hi hi. IEP/ IFSP laidal na nei kei leh, na ta ii siavuan aikeileh adang sivuan te kiang pan natna tawh kisai a sitna(te) leh a muhkhiatna te a gelhkhiat ciamtehna laidal na ap kul hi.

Ko Innkuan ah nau kep dan vai hawm na a om pen koi dan in ong thei sak ding ka hiam?

Nu leh pa in a tuamtek in thukhun zumlai tawh naukep hun khenbawlna a neih leh, tua zum laidal na piak kul hi.

Ka phone numbat ahihkei leh ka address te a ki laih leh bang dan in ong thei sak ding ka hiam?

Kizop na ding (phone, email) puahphat ding a kisap leh, Sangap Zum Nasem

te kiang ong hopih in. 

Dotnop ka neih beh lai leh bang ka ci diam?

Nang lampan dotna nei aa hih te ah dawnna na muh kei leh, hehpihna tawh hih online pan thudotna ah lai ong gelh in. A manlang pen in nasemmi khat in ong hopih kik ding