CAP Tulsa Sangte

Sanghun kipat ma leh Sang tuak zawh ahun val koih na pen Sanginn atam zaw ah man pia in ki koih thei hi. Sang hunval koih na ah akoih nuam ten OKDHS Child Care Assistance/Subsidy benefits ah sangman piak na ding huhna ki nget thei hi.

Disney, ECDC Reed, Eugene Field, Frost, McClure, Reed, Sand Springs, leh Skelly Sang te pen Kumpi ii Naupang Sang Ciamtehna (The National Association for the Education of Young Children (NAEYC) ciamtehna a ngah sang te hi a, naupang khempeuh ii khanto na ding aki piakhia ngiat kipawlna te ahi a, naungeek pan kum8 dong naupang te a ding pilsin na leh a dang khanto na tuam tuam te a ding atuam veval in nasem uh hi. NAEYC ii pan pih na pen nasep mun te ah ahoih pen in khantona angah thei na ding in ki pawl na (organization) te tawh sep khawm uh hi.

Briarglen, Disney, ECDC Reed, Eugene Field, Frost, McClure, Reed, Rosa Parks, Sand Springs, leh Skelly Sang ten naupang makaih na zumpi Oklahoma Department of Human Services Reaching for the Stars pan aksi-3 ahoih piakna ngah uh hi.