INN-BULPHUH PILSINNA
Inn-Bulphuh Pilsinna
CAP Tulsa, inn-bulphuh pilsinna pen, NulehPa te tung ah tate pattah zia hilh ding in siamna sang anei sia te tawh inn ah thusinna ahi hi. Hih man ngenlo inn pan pilsinna pen kumkhat bup in kinei a, naupaai te ahihkei leh naungeek suak cil pan kum 4 kikal anei innkuan te ading ahi hi.
Inn Pan Pilsinna
Inn hawh hun sung in, Sia te in nulehpa tawh naupang kikal kizop dan hilh na, naupang i khantona tawh kisai hilh na, naupang pattah dan ding thu hoih hawmsawn na tuam tuam te hong neih pih ding hi. Innkuan te in hih phattuamna te zong ngah ding hi:
- Nata i khuak leh pumpi khantohna tawh kisai thu hawmsawnna leh panpihna
- Naupang te amuanhuai tak in kep dan leh a lungbuaina uh pan kikep dan ding hawmsawnna
- Laisim, laigelh leh ganan pilna te atheih baih na ding in kimawl-bulphuh sinna tuamtuam te
- Nata i cidamna, mit, bil leh adang khantona tuam tuam kisitna
- Aituam ading lai hilh dan leh khantoh dan geelpihna
- Inn hawh na pen Mangpau, Spanish pau, Zopau, Pashto pau, leh Dari pau te tawh kinei thei hi
Naupaai lai tak cidamna ding in na kikep na pen nata khanto na ding in athupi pen na huhna ahi hi. Inn ah ong hilh sia te in nang leh nata i lungsim pumpi khantona tawh kisai lungmuangna leh pilsinna ah na thahat na ding in hong huh ding uh hi.
Inn pan pilsinna pen bang dan hiam?
- Inn hawh hun sung in, NulehPa tawh ta te in hih khop theih ding pilsin na tuam tuam kinei pih ding hi. Sia te in naupang i khantohna tawh kisai ciamtehna leh ih om na khua sung pan innkuan ading thuhoih tuam tuam hawmsawnna te hong neih pih ding uh hi.
- Inn hawh na pen Zoom ahi zong, ami tawh ahi zong kinei thei hi.
- Inn hawh na pen nai khat ahi zong, kha khat nih vei ahihkei leh kal khat minute 90 cih bang in geelna tuam tuam tawh kinei thei hi.
- Inn hawh na pen ahun man tak in neih den ding in, innkuan te tung ah aki ngen hi a, lem lohna a om hun ciang Inn vak Sia te kiang theihsak ding kisam hi.
Nulehpa adang te tawh kimuh khop na akinei thei hiam?
- Kha khat in khat vei, inn pan pilsinna ah akihel nulehpa adang te tawh kimuh khop na kinei den a, naupang te zong khat leh khat lawmtak na hun nei khawm thei uh hi.
- Atawm pen kha khat in khatvei nulehpa kimuh khopna ah, akihel tek ding uh kolam pan ka hanthawn uh hi. Tua hun ah akihel te ading, pilsinna ah akizang kimawlna,van tuamtuam, naupang laibu leh adang atuam tuam te kihawm hi.