Aituam thukhun

Ngimna Bulpi

Na kisapna te, tun leh mailam ah a hoihzaw in kong panpih theih na ding un, laidal thupi tuamtuam hong ngen kha thei ding hi ung. Nang mimal thu, pilna laitan, leh sum leh paai tawh kisai laithupite banghang kisam in bangmun ah kizangh cih na lunghimawh khakding hong telsiam ung. Ko tungah nong-aap mimal thu leh laithupite a kizatna mun na theih ding pen na mimal hamphatna(right) ahih lam thukim hi hang. Hih Aituam Thukhun in mimal tawh kisai laithupite a kizatzia leh kepcing zia te hong telgen dingin a kibawl thukhun ahihi.

Bang teng Huam

Hih Aituam Thukhun in mipi ngah theihloh mimal tawh kisai thu leh laithupi nong aapte tung bek ah thunei hi. Mundang phualdang khatpeuh pan ahihkeileh midang kiangpan a kingah thei mipi theihpih thute huam lo hi.

Hong Ki Ngen ding Thute

Ko kiang pan na ngah huhna/hamphatna te tungtawn in ka kaihkhop ding uh mimal thu leh zumlai thupi te pen:

• • Sangki-aapna, forms phihna leh kammal, lai, leh mimal in ih kihona pan a kingah thute;
  • Ko leh ko tawh kizom company te kiangah vanzuak vanlei na pan a kingah thei mimal thute;
  • Consumer-reporting agency te kiangpan a kingah thute;
  • Ko ii internet site na zat ciang Google Analytics tungtawn in akingah thute

Hih internet site pawlkhat ah "cookies"—kici internet site te in, a zangh mite thu a theihna ding in a koih uh file neute, kizangh kha thei hi. Cookie file khat in azangh te thu ahi ID cihbangte ngah thei uh a, tua tungtawn in bang teng en in bangteng zong cih kanthei uh hi, ahih hangin cookie in a ngahtheih, mimal thupen nang lam pan na piak teng bek mah ahihi. Hih file te pen ko ii internet na zatkik ciangin minkhumna te a awlzaw dingin bawlna ah kizang hi.

Hih internet site pawlkhat te leuleu in cookies pen a zanghte traffic patterns theihna ding in zangh uh hi. CAP Tulsa in hih bang a zatna hangpen ka Web site sungvuah a om thute a zangh mite ading in bangzah kimang in phatuam cih theihna ding leh a zanghte kisap thute amuh baih nading uh huhna ahihi. Hehpihna tawh cookies in na hard drive tawh kizomlo in na thute ngah theilo hi cih pen na ciapteh sak in. Na Web browser nazat ciang cookie aom leh sang ding leh sangloh ding teeltheihna hong lak thei hi. Web site nazat ciang Cookies na sangnopkei leh, na browser in cookies a om simin hong theisak ding leh teeltheihna hong pia dingin bawl thei hi teh. Cookies khempeuh asanglo ding in zongh na browser ah khakcip thei hi teh, ahih hang cookies na sanlohna hangin web site pawlkhat in akicingin nasemlo khathei dinga thu pawlkhat te na ngah nading pan hong dalthei hi.

Thute a Kizatna

CAP Tulsa in thu leh la na-aapte tawh kisai ah gam leh state thukhun khempeuh leh tualak ah a kihel the Family Educational Rights and Privacy Act ("FERPA") kici sangnaupangte pilna laitan ciaptehna te kizatzia ah thunei te thukhun khempeuh zongh zui uh hi.

Nang kiangpan kongnget uh thute pen kokiangpan nazat ka nasepna te uh, sepna tungtawn in thaman piakna leh, CAP Tulsa nasepna ah a hoih pen ding a encik(quality control efforts) leh kizoppih mite etcikna(customer analysis) te ah kizangh bek dinghi. Na thute pen na kisap huhnate ngetna ding ahih kei buangleh mundang/phualdang ah piakhia ngeilo ding hi ung.

Nang phalna nget masakna tawh a huamkim zaw panpihna na ngah theih na ding in, nang mimal thute pen thukimna(contract) tawh nasem company te ahihkeileh CAP Tulsa tawh kizopna a nei phualpite ah a kisam bangin pia ding hi ung. Tua bang company te ahi sumlehpaai huhna piakna, metna omlo in mi panpihna a pia phualpite, pilna lam tawh kisai kipawlna te, sanginnte, zatote, leh state agencies te ahi, Oklahoma State Department of Education ahihkeileh Oklahoma State Department of Health te in mihing khat ii mimalthu ahih nakleh kepcingsak ding cih thukimna thukhun(confidentiality)nei uh hi. Panpihna piakna, thaman tawh kisai sepnate, leh nasepzia tawh kisai a kisap hun ciang nang phalna nget kullo in na thute kizop pih company te tungah ka piak hun uh om thei ding hi. Tua thute ka piakna sungvuah a mi kua cih amau in theilo ding uh aa na min na puam kigenlo ding ahih manin tua ah nang phalna hong ngenlo ding hi ung.

Mimal Thu Kepcingna

Nang mimalthu khat peuhpeuh kumpi phalna a omlo kipawlna khatpeuh khutsung a tunloh nadingin a hoihpen hanciam in kemcing ding hi ung. A tunga hong ki gensa company te leh kizoppih mimal khatpeuh in na mimal thute a ngah theihna uh zong ciangtan neisak hi ung. Kote in hih Aituam Thukhun tawh kizui-in ka nasemte uh leh taangmite in mimal thute akisapna munbek ah zangin a kepcing theih nadingun hilhcianna pia in encik ding hi ung. Tulaitak in mimalthute a a laidal/a van leh electronic tawh ahizong in amuanhuai pen in gam leh state te kalsuanzia tawh kituak in kemcing hi ung. Hih gamsungah omkhuan a neilo na hi kha phial zongin, thu khatpeuh hang in immigration thuneite tawh kizopna, kithuzakna cihte neilo hi ung.

FERPA Nuai-ah Mimal Hamphatna te Theihsakna

FERPA in nulepa leh kum 18 pan atungsiah sangnaupangte' pilna laitan ciaptehnate a kilawm leh akituak bangin a kizat theih nading hamphatna (rights) vaihawm hi.

Tua sungah:

1. Sangnaupangii' pilna laitan ciaptehnate sittel leh etkik theihna hamphatna. Nulepa in CAP Tulsa ah laigelh in asittel nop ciaptehna laite min tawh sittel khuan ngen ding hi. CAP Tulsa in nulepa tungah asittel nop ciaptehna laite sittel theih nading amun leh ahun tawh zasak kik ding hi.
2. Nulepa in sangnaupang pilna laitan ciaptehna tungah akicianlo, amanlo, ahihkeileh FERPA thukhun sungah aom sangnaupang' Aituam hamphatna tawh akituaklo amuh uh leh ciaptehna lai puahkik nading in deihngetna hamphatna. CAP Tulsa in ciaptehna lai puahkik kul a saklohte puahkik loh ding khensat theihna hamphatna nei tawntung uh hi. CAP Tulsa in deihngetna bangin puahkik lohding khensatna a neih uh leh, a khensatna uh nulepa zasak dinga nulepa in a thukim kei leh zum ah thupuak theih ding hamphatna a neih lam CAP Tulsa in theisak ding hi.
3. Sangnaupang laitan ciaptehna sungah akihel nang mimal thute nang phalna tawh midang theihsak theihna hamphatna, FERPA thuneihna tawh phalna ngen masa lo in a zat hun om kha thei ding. Tua ciang, na mimal thu te pen pilna lam tawh kisai akisapna bek ah kizangh ding hi. Nang phalna ngenlo in mimal thute zat ding a kiphal te pen, thukhun tawh kituak in pilna lam ah nasem te a hihi. Thukhun tawh kituak in pilna lam nasem cih te pen, CAP Tulsa ah thu vaihawmpi, makaite, laihilhte, ahihkeileh cidam na lam nasem te; CAP Tulsa Board ah kihel te; CAP Tulsa in thukimna tawh amau taang in nasem dingin akizop pih mimal leh company; ahihkeileh nulepa ahihkeileh sangnaupang khatpeuh thukhun tawh kisai leh lungkim lohna thu a om ciang thukhun tawh kituak in sang phattuam na ding nasem ahihkeileh sang nasem khatpeuh’ nasepna a huh te ahihi. Sang nasem te in, amau nasepna a zawhna ding un mimal laitan ciaptehna te a etna uh pen pilna lam tawh kisai thukhun tawh kituak in, a kisapna ah azangh uh ahihi.

Kizop pih Ngeite

Hih Aituam Thukhun pen ko tawh na kizopna a bei hun ciangin zong nang leh na mimal thute tungah a tawntung in kimang paisuak ding hi.

Puahkikna

CAP Tulsa in hih Aituam Thukhun sunga thute kheltheih, puahkik theihna hamphatna(right) nei a, a kipuahkik Aituam Thukhun a kem nuam te tungah a ngetna uh tawh kizui in laidal tawh, U.S. laito tawh ahihkeileh CAP Tulsa website ahi http://captulsa.org ah kingah thei hi.

Mimal Thu Kepcingna tawh Kituak Deih Ngetna

Na pilna laitan caiptehna tawh kisai CAP Tulsa te tungah na lunggulh bangin hong hopih ding uh ngen thei hi teh. Gentehna, CAP Tulsa tungah inn om hunsung bek hong hopih un ci thei hi teh. CAP Tulsa in ahang kician a nei deih ngetna te hong sepsak ding hi.

Hih Theihsakna Laidal Nget theihna Hamphatna

Hih theihsakna laidal na deih leh mimal in ahihkeileh laito pan CAP Tulsa, 5330 E. 31st St., Suite 300, Tulsa, OK 74135 ah ki ngen thei hi.

Hih Aituam Thukhun http://captulsa.org pan in zongh ki ngah thei hi.

Hih hamphatna te na zatnop leh, a nuai-a zum ah laikhak in deihngetna kibawl thei hi:

CAP Tulsa
Legal Department
5330 E. 31st St., Suite 300
Tulsa, OK 74135.

Hih thu na theihbeh nop leh, CAP Tulsa’s Early Childhood Education Program innkuan huhte, sang makaite ahihkeileh, sang makai huhte tungah kidong thei hi.