Khuahun Siatna

Khuahun siatna tawh kizui in sang kikhak thei zel hi. Thudang zaksakna a om kei nak leh tuikhal kia,vuuk kia, ahihkeileh alauhuai khuahun siatna hang in kumpi sang ten sang khak ding cih akhensat ciang CAP Tulsa sangte in zong tua khensatna zui pelmawh ding uh hi. Gentehna, Tulsa kumpi sang huam na mun ah sang na kah aleh, khuahun zui a sang te khensat na zui in Sang pen ki hong ding, ki hong hak ding, ahihkeileh khak ding uh hi. Union ahihkeileh Sand Springs kumpi sang huam na mun te ah sang a kahte zong tua sang te ii khensat na zui in sang pen ki hong ahihkeileh ki khak ding hi. Khuahun siatna hang in, ni thum kizom in sang a khak suak leh innpan laisin theih nading Distance Learning ki vai hawm ding a, na sangsia te in hong theisak ding hi.

Khat veivei ciang kumpi sangte calendar leh CAP Tulsa calendar ki banglo thei hi. Nakah na sangte a khak zenzen a, CAP Tulsa calendar tawh a kituak kei khak leh, phone tawh hong ki thei sak hamtang ding hi. Sang na ho ung la ahi kei leh Sang Mun zongna ah na sang district ki en thei hi.

Sang ki khak ding hi leh computer phone pan hong samin thei sak ding hi. Sang khak hunte leh a dang vai thupite kong zaksak theih nang un, na inn phone ahihkeilleh na cell phone nambat-te na laih a leh hehpihna tawh sang ah hong thei sak hamtang in. CAP Tulsa in i ten-na khua ii TV mun ahi ABC, CBS, FOX, leh NBC te kiang ah zong sangkhakna khat aom leh thu puak ding hi ung. Ka social media zat-te pan zong sangkhak ahihkeileh adang theihsak nate ki khahkhia ding hi.