COVID-19 Thukhun/ Kalsuanzia
Naupangte in damlohna khat peuhpeuh aneih uh leh adiakdiak in ci-sa natna aneih uh leh sangkah theilo ding hi.
Natna pan kidaalna leh kikepna tawh kisai asem phualpi, The Centers for Disease Control and Prevention (CDC) te in COVID-19 kilawhdan leh ngah khit ciang kikepzia ding thu mipi te'n a telzawkna dingin lamlahnate a kicing zaw in pia uh hi. Nang leh na innkuan cidamna ding ahoihpen kikepna na ngah theih na dingin innkuan kim in hih a kicianzaw lamlahna te etciatna review these new guidelines na neih ding uh hong hanthawn nuam ung, hih lamlahna sungpa'n tawmkhat hong hawmsawn nung.
- Contact tracing in natna kilawhna ding zekaisak tuam hi cihpen ki thupi ngaihsut nawnlo aa, ahang in, natna lungnote kilawhna mun pen mipi zatkhop munte ahi nasepna, sanginn, biakinn, vansai, ansai, leh mun tuamtuam te ahihi.
- COVID-19 a neite tawh a kithuahkhate ading tuamomna(quarantining) zuihding kihanthawn nawnlo hi.
- Kum nih pan atungsiah mikhatpeuh in COVID-19 natnanei mi tawh akithuah khak leh amau tawh akituak muktuam muanhuai ni 10 sung bulhding kihanthawn hi.
- COVID-19 a nei mi tawh na kithuah khit ni 5 ciang natna neih leh neihloh kisitsak ding kihanthawn hi.
- COVID-19 natna ngah khat tuamom(isolation) hun pen atawmpen ni 10 sung hi ding hi.
CDC te lamlahna kikhelna tawh kizui-in, kalsuanzia kikhelnate innkuante tungah hong theisaknuam ung. Hih anuai-a thute Monday, September 19 2022 pan kipan in CAP Tulsa naupang leh innkuante in kizui ta ding hi:
COVID-19 Neite tawh A Kithuah khate
- COVID-19 neite tawh na kithuahkhakna hangin sanginn pan thudot/thukanna hong bawl nawnlo ding hi ung.
- COVID-19 nei mite tawh akithuahkha naupang te tuamom(qurantine) kulnwnlo hi.
- Kum nih pan atungsiah naupang khatpeuh in COVID-19 neite tawh akithuah khak leh ni 10 sung muktuam bulh dinga, ani 5 ni-in COVID-19 aneih leh neihloh kisitsak ding hi - natna kisitsakna tawh kisai na Siavuante ahihkeileh Tulsa Health Department te kiangah thukicing zaw kikan thei hi: Testing | Tulsa Health Department (tulsa-health.org)
COVID-19 A Ngahte
- Sang ki-apsa sangnaupang khat in COVID-19 angah leh innkuanpihte in sangah theihsak hamtang kul hi.
- Natna ngah naupangte in atawmpen ni 10 sung tuamom dinga, zatangnek kulnawnlo in ci-sa LEH natna kilat khiatna(symptoms) te adam sitset masiah sangkahkik theilo ding hi.
Natnagil neisa naupang khat in Covid angah khak leh innkuante in naupang' siavuan tungah sang kalsuanzia te kikum in naupang pen, ni 10 sang atamzaw inn ah kephuai leh kephuailo khensat ding uh hi. Natnagilnei naupangte ading in panpihna tawh sangkahhun tawh kisai thukhunte kikhauh sak lo ding hi.
Na ta in, Covid neite tawh akithuah khakna hangin atuamom(quarantine) hun laitak ahihleh, sanginn pan, na ta sangkahkik theihhun ding tawh kisai akicing zaw thute hong kizasak ding hi.
Naupangte in damlohna khat peuhpeuh aneih uh leh adiakdiak in ci-sa natna aneih uh leh sangkah theilo ding hi, cih zong hong phawksakkik nuam ung.
A lauhuaizaw dinmun ih tunloh nading in natdal sutna(vaccinations) te ahun maan in kisut ding innkuante ading in thupi mahmah hi. Kha guk pan a tungsiah mi khempeuh in alauhuai zaw natna, zato tunna, leh sihna te pan kikepna ding in COVID-19 natdal (vaccine) kingah thei hi. Na siavuan te ahikeileh Tulsa Health Department te tungah natdal sutna(vaccinations) tawh kisai thu akicingzaw in kingah thei hi: COVID-19 Vaccine | Tulsa Health Department (tulsa-health.org)
COVID-19 pen beisiang thei nailo a, sangah nasemte, naupangte, leh innkuante cidamna leh khalumna dingin, natna lungno dangte hanga kingah thei flu te ih ngah ciang ih kikep dante bangin hong kulta ahih man in, a hoihpen kikepzia ih teel ding kisam hi. Community levels leh CDC, Tulsa Health Department, leh the Office of Head Start te lamlahna na encik lai ding unga, kalsuanzia kikhel ding akisam aom leh amanlang thei penpen in hong theisak ding hi ung. Dotnop khatpeuh na neih leh, hehpihna tawh Sangsiapi te tawh hong kizom in.