Lungkimlohna Laikhiatna leh Kalsuanzia

Mi khempeuh in thumantak in kibawlna leh akilawm zahtakna ngah tek ding kilawm hi. CAP Tulsa in panpihna kisam mi khempeuh tungah migitna tak tawh huhna piak ding ki thupi ngaihsut hi. Mi khempeuh in huhna siau thei a, ci leh sa, mel leh puam, biakna, kum, gam-makai te tawh kisai deihdan ki lamdanna, ahihkeileh pumpi poina cihte hangin huhna ngetna ki nial ngeilo ding hi.

Lungkimlohna Laikhiatna

Thu piang ahihkeileh na nget huhna na ngahlohna hangin lungkimlohna na neih leh:

1. Nang tawh buaina a nei nasem pen tawh na lungkimlohna siangtak in kikum khawm in.
2. Buaina a vengtheih kei leh makai pi te theisak in, kikum in. Sang nasem te ahihkeileh CAP Tulsa zumpi 918-382-3200 ah na hopih nop makai te tawh kizop na ding kingen thei ding hi.
3. Na lung a kim nai kei leh, hih Lungkimlohna Theihsakna lai (Complaint Form) gelh in la laito pan, ahihkeileh hih anuai aa address ah khak in:

CAP Tulsa
Attn: Executive Director
5330 E 31st St., Suite 300
Tulsa, OK 74135

A thuman lo in hong kibawl ahihkeileh ong ki thusim lohna na tuah leh, thukhun tawh kizui panpihna na ngah na ding in, tua thu a pian zawh ni 30 sung in na Lungkimlohna Lai na khiat kul hi. Nov. 12, 2020, dong kimang.

Makaipi tawh kisai Lungkimlohna Laikhiatna

Makaipi (Executive Director) hangin na lungkimlohna na pulak nop leh:

1. Na lungkimlohna pen Makaipi tawh ahihkeileh program makai tawh kikum khawm in
2. Na lung akim nai kei leh, Lungkimlohna Theihsakna Lai laito pan, ahihkeileh hih anuai a address khak in:

CAP Tulsa
Attn: President, Board of Directors
5330 E 31st St., Suite 300
Tulsa, OK 74135

A thuman lo in hong kibawl ahihkeileh ong ki thusim lohna na tuah leh, thukhun tawh kizui panpihna na ngah na ding in, tua thu a pian zawh ni 30 sung in na Lungkimlohna Lai na khiat kul hi. Nov. 12, 2020, dong kimang.

Khensatna & Ngetna

1. Lungkimlohna Lai a kingah khit ni 10 sung in Makaipi ahihkeileh CAP Tulsa’s Board of Directors President in thupiang tawh kisai thukanna kipan ding hi.

2. Thupiang tawh kisai mimal in thudotna hong kinei dinga, thuman tak in thukhensatna te, leh thupiang tawh kisai ciaptehna te etciatna nei thei ding hi teh.

3. Lungkimlohna Lai na khiat a kingah khit ni 30 sungin, na Lungkimlohna tawh kisai thu khensatna hong kikhak ding hi.

4. Thu khensatna na lungkim nai kei leh, thukhensatna na ngetkik na lai na pulak theih na ding leh kalsuanzia ding, Lungkimlohna tawh kisai Thukhensatna lai tawh hong kikhak khawm ding hi. Ngetna leh Kalsuanzia lai (Appeal Process) pen deih hunhun in kingen thei hi. (Makaipi tawh kisai Lungkimlohna Laikhiatna bawl na hih leh nambat 5 simsuak in)

5. CAP Tulsa hong hihsak theih ngetna khempeuh a man ciang, Oklahoma Department of Commerce leh/ahihkeileh Head Start Zumpi – Region VI ah thupuak suak thei hi teh.