Tanlang kah ding kigin hun ta hi!

Tanlang kah ding kiging hun ta!

Hong tung ding December kaal masa sung, CAP Tulsa sang tuamtuam te ah Kindergarten Transition Events ki nei ding hi. Kum-li pha in maikum ah tan lang kah ding nau a nei nu leh pa, naukem ten hih hun te ah nong kihel na ding un hehpihna tawh hong zawn nuam ung.

Hih a lawp huai nang leh na innkuan mailam kalsuan na ding vai tawh ki sai dot nop bangbang hong dawng thei ding in ii kiim nai a om kumpi sang, charter sang, leh magnet sang te pan taangmi hong pai ding uh hi. Sang tuamtuam te’ contacts leh kim leh pam ah zat theih ding thu manpha tuamtuam te a ki pan, Kindergarten Transition laibu te zong CAP Tulsa pan hong ki pia ding hi. Pello hong ki hel hamtang in maw!

Theih Beh Ding Thu
Bang sang district bang program a hi zong, sang ap dan a pai zia ki bang khin hi. A thupi theih ding cidam na lam, nek leh dawn lam, huhna kisam zaw deuh special education te leh nau tawh kisai lung hih mawh ding a om te khempeuh nu leh pa/naucing ten limtak in siauhna lai tung ah hong thei sak un maw. State, kumpi, leh non-US government passports ahih kei leh ID cards te tawh ki siau thei hi. Tui bill leh immunization zatui sutna records te kisap beh kha thei hi. A kisam ding lai te a kician in na theih nopleh program/district’s website pan ahih kei leh sang ap vai hong huh thei taangmi te na sam in maw.

Sang kipatma leh sang tuah khit naukep na tawh kisai siauh dan ding sang khat leh khat ki bang lo thei hi. Hih vai tawh ki sai nu leh pa ten sang ap ciang dot huai hamtang hi. Nu leh pa ten uniform, sang van kisam te, leh adang innkuan huhna tuamtuam ngah theih na tawh ki sai na theih nop leh sang counselor, sang ukpi, ahih kei leh sia/siamah te kiang ah dong thei hi.

Theih beh nop a om leh, transitions@captulsa.org ah hong email un maw.