Skip To Content

The Admissions Office is serving clients remotely until further notice. Please click here to schedule an appointment. La oficina de admisiones está atendiendo clientes de manera remota hasta nuevo aviso. Por favor haga clic aquí para programar una cita. COVID-19 natna a khang semsem na hang in, Sangap Zum mi honpi aa ding kikhak aa, ki thu zasak kik masiah online pan hi suak phot ding hi. Appointment lak na ding hehpihna tawh hih ah mek in.

COVID-19 Updates

COVID-19 Updates (Zomi)

March 10, 2021

Abeisa kum sung teng Sangkah dan kilaih na tawh kisai lungduai tak in nong theisiam nate tung ah lungdam ung. Sangnaupang te leh Siamah te Sang nasem te cidamna tawh kisai ki kem na ah nong huh na te tung zong lungdam ung. Hih bang in nong hanciam pih na hang in asawt lo in Sang ki hong kik ding hi cih hong zasak nuam ung.

Monday, March 22 ni pan ki pan, Innkuan pih te Sanginn sung ah Sangkha leh dawn hih thei kik ding hi, tua ahihmanin mawtaw koihna (parking) ah dawn kul nawn lo ding hi. Ahihhang naupang ten schedules A/B tawh sangkah lai ding uh hi.

Monday, April 5 ni pan kipan kalkhat teh ninga Sangkah kik ding hu hi. April ni 5 ni Sangkah ki theih na ding in Sangkhan khat ah naupang tawm leh Sang nasem mi tawm bek kikoih ding hi.

Hih bang khensat na pen anuai a tawh kituak in kikhensat hi:

- Nasem mi te simna (staffing data)
- COVID-19 cases om zah ciamteh na
- Sangnasem mi ten vaccines sutthei na
- Kal khat ni nga sangkah na ding in Sang thukhun te laih na
- Sangsung ah hoihtak siantho na te neih na
- Sang nasem mi te leh Naupang te cidam na tawh kisai en den na

Hih bang in ninga sangkah theih na ding athupi zuih ding dan te om hi. Tua ahih man in Sang nasem mi te, naupang te leh innkuan pih ten siangtho na tawh kisai zuih ding te hoih tak zuih ding kisam ding hi.

Anuai ah te pen innkuan pih te zuih ding kikem dan ding te hi. Hih thukhun te pen Sangnasem te thukim na hi:

- Sanginn sung ah ulian khat bek lut thei ding hi
- Sangdawn/ kha na ah maituam (mask) kisam ding hi, Akisap leh sanginn pan zong kila thei hi
- Families will be required to properly wear face masks at all times
- Hehpihna tawh Sanginn sung ah khat leh khat agamla om na tawh kisai zuih ding kisam hi
- Sangdawn/kha na ah hehpihna tawh signed in or signed out na man khinteh aman lang in pusuak pah in.
- Hehpihna tawh safety signs tawh kisai leh reminder zuih ding te na zuih suak ding hong hanthawn ung.
- Nakhut sawp pahpah in, akisap leh (sanitizer) zang in.

Innkuan khempeuh in Sangki hong kik ma in zui ding te hoihtakna sim ding uh kisam hi. Hehpihna tawh hih link ah zuiding thukhun laibu tawh kisai na sim un.

Tulaitak in ahun val kem na ki hong nai lo ding hi. Aki hong thei kik ding teh Sangnasem te hong thei sak kik ding hi.

Hih bang in Sang ki hong thei kik na ding in NulehPa lam pan lungduai tak in nong sep pih na te tung ah lungdam ung. Sang naupang te leh Sang nasem mi te cidam na leh amuan huai kikep na pen athupi pen hi.


January 27, 2021

Ami in Sangkah kik ding pen February ni 1 Monday ni ki pan kik ding in khensat na ki nei hi, A/B kikhen na tawh ahun zui in Sang ki kah ding a, March 12 Friday ni dong tua hun khen na tawh Sangkah ding in ki khensat hi. Hih bang in hunkhen na tawh Sangkah na pen COVID-19 natna pan ki lawh mi atawm zaw na ding in December kha pan ki pan khentat na aki nei hi. Tua ahih man in hih hunkhen in Sangkah na tawh kisai thukhel na khat peuh peuh aom leh hong ki zasak kik ding hi. March kha Sangkhak (spring break) khit teh hih hunkhen in Sangkah na tawh kisai khat vei hong ki zaksak kik ding hi.

February ni 1 Monday ni Sangkah kik ciang, Sangkha Sangdawn dan tawh kisai hong thei sak nuam ung. Sang hong khak innkuan pih ten mawtaw tung pan tuak kul lo hi, naupang te cisa teh pen mawtaw tung pan kiteh nawn lo ding a, Sanginn sung ah kiteh ding hi. Azen zen in, na ta ah ci asat leh wellness khan ah NulehPa ten a dawn dong ki koih phot ding hi. Hih tawh kisai thu thak te na theihbeh nop leh Sang inn thukhun (temporary family handbook) ah (link) ki en thei hi ahihkeileh Sang inn ah zong phone tawh ki dong thei hi.


January 13, 2021

Ih Khua sung ah natna angah number khang ahih man in, agamla Sangkah ding pen January 29 Friday ni dong kikhan to hi. Tua hun sung teng in Siamah ten innkuan te tung ah phone tawh hong check den ding uh hi.

February ni1 ni teh Sang ki hong kik teh A/B schedule tawh Sangkah ki zom suak ding a, Siamah ten ki dawm tak in nasem ding uh hi. Hih bang in A/B tawh Sangkah na pen March 12 dong kizom suak ding a, adang khensat kik na aki neih leh hong kithei sak kik ding hi.

Innkuan pih akua mah peuh in neklehdawn akisam te pen CAP tawh nasem khawm Sangpi te kiang pan kila thei ding hi, tua pen innkuan huh (family support) te kiang ah ki nget thei hi (Family Resources - Zomi). CAP Tulsa pan neklehdawn huh na pen ami tawh Sangkah kipat ding February ni 1 ni teh ki nei kik pan ding hi.


  • December 18, 2020

    COVID-19 natna angah mi khang ahih man in, Phalbi Sangkhak aman khit Sang aki hong kik teh agamla tawh Sangkah kik ding in ki khensat hi. Sang khem peuh pen January ni4 Monday ni pan January 15 dong 100% agamla tawh sangkah ding uh hi. MLK holiday khit January 19 Tuesday ni pan kipan, A/B aki khen sa mah bang in ami tawh Sanginn sung Sangkah ki pan kik ding uh hi. Hih tawh kisai innkuan te tung phone tawh thu hong ki zaksak ding hi.

    CAP Tulsa nasem mi ten sangkhak sung leh Sangkhak khin agamla sin na tawh kizom suak ding ahih man in, akua mah peuh ading amuanhuai thei ding in lam en ung.


    Sangkhak sung teng Innkuan te ading neeklehdawn huhna pen CAP tawh nasem khawm Sanginn pi te leh innkuan huh te tung ah ki dong thei hi. CAP Tulsa pan neeklehdawn tawh kisai huh na pen ami in sangkah kik ding hun January 19 pan kipan huhna kipan kik ding hi.

  • December 4, 2020

    CAP Tulsa in sanginn 10 a vekpi in a beisa A/B schedule nih khen in a kahsak sa mah bang in, kahsuak lai ding hi. A cih nop na in ah, kal khat ah ni nih sanginn ah a mingiat pai aa kah suak lai ding uh hi. Cidam na leh kidal nang’ zuih ding thu (protocols) te zui kawm in sanginn te kihong lai a hih lam, innkuan pih te ong lung muangsak nuam ung.

    Sanginn te kihon na hang in, naupang te a thupi laisin na leh lunglut tak aa laisin na ah kihel na, innkuan te nasem kuan theih na, neh leh dawn ngah theih na leh a dang kisam tuam tuam te Family Support tung tawn pan ngah theihna te a kizom in ong pia zo hi ung. A/B Schedule kikhen na tawh, natna ah kiphokhiatna a tawm zawk nang’n, sang naupang leh sanginn nasem te sanginn sung ah hun khat sung in a om mi phazah a ki ciangtan hi.

    Hih khensatna te ka neih uh ciang in, mun tuam tuam te ii makaih lamlah na te zui in ka bawl uh hi aa, tua te pen: Head Start Zumpi, Ih khua (state) leh ih kim leh pam (community) sung pan COVID-19 natna phazah khoptuahna (data), CDC, Oklahoma State Department of Health, leh Tulsa Health Department te a hi hi.

    Cidamna lam aa a sem tuangsiah mi te in, tu nai i neih zum khakna (holiday) hang in natna a ngah mi ong khangto beh lai ding hi cih ummawhna a neih uh zong ngaihsut sa in ka om uh hi. Mailam thu piang ding a kizom in ka en cik suak lai ding uh aa, thu khel ding a kul aa leh zong ong za sak ding hi ung cih, innkuan te ong lungmuang sak nuam ung.

    Khua hun kician gen theih loh laitak hun sung, sanginn te ki hong suak kik theih nang leh resource tuam tuam innkuan ten’ natna sung pan lau om lo, muanhuai takin ngah theih nang’n a kizom in lungduai tak in thu nong zui kawikawi na te hang’n lungdam mahmah ung.

  • October 2, 2020

    Sang a kah khinsa innkuan te aa ding, sanginn te kihong kik aa sang kah kik na om ding hi cih lawp takin thu ong zasak ung! November kha sung in, sangkah hun khen 2 ki suah ding aa, laisin pai zia pen sanginn ah pai aa laisin na, inn pan laisin na, leh sanginn khan te ah laisin naupang mimal khiam aa sinna te teng hi ding hi.

    Tu laitak sang a kah khin sa innkuan te in zumpi (Admissions Office) pan a ta te ii sangkah kik hun gelna tawh kisai a ki cian zaw in zaksakna email a ngah ding uh hi. Theih huai vai thupi phone sapna te, phone pan lai khak na te leh email pan lai khak na te na ngah theih nang un, na phone numbat, na min, na omna mun, leh na email te a thak laihna na neih leh, hehpihna tawh hih mun ah na laih sak in. CAP Tulsa Innkuan te kizop na tawh kisai theihhuai thu.

    Tua masiah bel, na ta leh a sangsia te a gamla pan laisinna, na ta ii sanginn ah ann nektheih lakna leh innkuan te aa ding vai a kihawm sak a hi Sinkhawm Ni laisinna lai lakna te mah na zom suak lai in. 2020-2021 Sangkah kum ah CAP Tulsa Sang pen Augustkha ki hong thei ding in lam en ung.

    Family Support aa nasem tangmi te leh a dang panpihna piakna lam a sem nasem mi te in no ii na kisap bang bang uh ong huh ong panpih ding om den hi cih phawk in. Family Resources (Zomi).

    Naupang sang ap nang’ siauna lai te zong a sang sang lai mah hi ung aa, 2021 kum kipat lam hun dong, sang ap innkuan ngakna (waitlisted families) ah ki koih suak phot ding hi. Apply (Zomi).

  • July 29, 2020 - 3:00 p.m.

    Kumpi Sang te ii thukhun leh State sung ah COVID-19 aneitam lai ahihman in Sang ki hon ding pen August 31, Monday ni in ki hong ding hi. Sangnaupang tawm bek Sang ki kah sak ding hi. September kha dong ahunval kepna (before & after care) kinei lo phot ding hi. Tua mah bang in online pan laisin ding te zong laisin dan ding te tawh kisai Sanginn lam pan hong theisak ding uh hi. Sangnaupang te ii innkuan pih te tung ah huhna tuamtuam ahithei bang bang hong kipia suak ding hi. August ni 10 ni leh tua kal sung teng Sangkah ding leh kah loh ding tawh kisai, innkuan pih te lunggulh nate phone tawh hong ki dong ding hi.

    Sangnaupang te ii innkuan pih te leh nasem mi te ii amuanhuai tak aom theih ding leh cidam ding pen ko ading thupi pen hi. Tua te tawh kisai khensat ding leh sep ding tampi kinei lai hi, thu thak aom leh zong innkuan pih te tung hong kizasak ding hi. Na lungduai na leh nong theisiam na te tung lungdam ung.

  • May 22, 2020 - 2:00 p.m.

    July kha ni 6 ni in SummerU Sang ki hong kik ding tawh kisai athupi theihsakna teng innkuan te tung ah hong kithei sak ding hi, tua theihsakna te hang in Sangkah kik ding leh kah loh ding khensetna ah tampi hong huh ding hi.

    July ni 6 SummerU Sangki hon thei na ding in June 22 ni a kipan Siamah te’n nasem kik ding uh hi. Cidamna tawh kisai nasem te ahi CDC te thukhun aom mah bang in Sangkhan size tawh akituak kikep dan leh kidop dan ding te ahi zong, siamah sung pan na asem thei ding zah tawh akituak in, Sangkipat ma leh Sanghun khit ahunval kepna (before&after care) te kinei thei lo ding hi, naupang khem peuh Sangkah kik thei lo ding hi. Gennop na in naupang khem peuh ading SummerU KhalSang kahna ki nei thei lo ding hi. Tua ahih man in July ni 6 ni akah thei ding te June 12 ni anunung pen koih in hong kizasak ding hi.

    Naupang te Sangkah kik na in innkuan te ading amuanhuai ding in lung gulh hi ung. Ko ading athupi pen in CAP Nasem mi te leh naupang te leh a innkuan pih te ii amuanhuai tak in om thei ding leh cidam na ding pen thupi pen hi. Tua ahihman in CAP Tulsa Cidam na tawh kisai nasem te, SangSiapi te leh CAP tawh nasem khawm Innkuan huh (family&children’s Services) te kipawl khawm in abeisa hun sung teng cidamna ding leh amuanhuai tak in om thei na ding in na kisem khawm hi, tun zong muanhuai tak in Sang akah thei na ding in zuih ding te hong ki thei sak ding hi.


    Hih Summer KhalSang kah sung teng innkuan te ading theih ding thu teng:

    · Sang hunma leh Sanghun khit hunval Naukepna (Before or After Care) kinei lo ding hi

    · Sangkha leh Sangdawn na pen mawtaw koihna (Parking lot) ah kinei ding hi

    · Naupang te leh nasem te Sanginn sung alut ding teh cisa kiteh ding hi

    · Sangkha leh Sangdawn hun ahun ki khanto ding hi.

    · Sanginn sung ah nasem te leh naupang te bek lut thei ding hi, innkuan pih te leh, midang ahawh nuam te ahih zong volunteer ding te ahi zong kilut sak lo ding hi.

    · Sangkhan khat ah Sia thum ta ki koih ding hi

    · Khan size neu zaw ding a, khan tawm bek ki hong ding hi

    · NeklehDawn te zong package tawh kipia ding a, innkuan annnek dan (family style) in ki ne khawm nawn lo ding hi.

    · Sangkhan sung lut ding teh Khutsawp ding hi, Sun ann nek khit teh ha ki nawn sak lo ding hi.

    · Sang siantho na leh lungno that na tawh Sangsung teng kisiang sak pahpah ding hi.

    · Azenzen in naupang khat peuh peuh in damloh na ahi zong cisa ahihkeileh adang natna aneih leh aompak theih na ding khan zong kibawl hi.

    July kha ni 6 Sangkah thei te a ding theihsakna pen hibek hi lo hi, July ni 6 acing ma dong hong ki thei sak toto ding hi.Hih KhalSang SummerU akah lo te zong 2020-2021 ading Sang na ap khit nak leh August kha Sangpi ki hon teh Sang kikah kik thei ding hi cih zong hong thei sak nuam ung.

    Hih Sangkah kik sung teng innkuan khempeuh ading naupang te kidawm tak in kep ding pen thuppi pen hi ci ka thei uh hi,tua ahih man in Head Start zumpi, CDC,OKDHS leh Tulsa Health Department pan kikep dan ding athak thak in hong ki zasak toto ding hi. Adang dotnop na neih leh hehpihna tawh innkuan huh (FSS) te na theisak un.

    Naupang te tawh kimuh kik ding lam en ung, CAP nasem te leh innkuan te khem peuh kong muak kik uh hi. Damtek ding hong lam en ung!

  • May 8, 2020 - 11:17 a.m.

    Tulaitak natna tawh kisai geelna leh theihsakna aom toto mah bang in, white House, CDC, Oklahoma State Cidamna tawh kisai zumpi te, National Head Start te leh adang kumpi tawh kisai zum te pan khensat na tawh July ni 6 ni Monday ni in Sangkipan thei kik ding hi. Summer U KhalSang pen Monday July ni 6 ni pan Thursday July 30 ni dong kinei ding hi.Hih tawh kisai innkuan huh (family support specialist) ten phone tawh hong theisak ding hi. Head Start te,CDC te,OKDHS te leh Tulsa Health Department te kiang pan kikep dan ding te hoihtak kizui in Sang ki hong ding hi ci hong thei sak nuam ung. Kikep dan ding zui dan ding athak aom leh zong innkuan te tung hong theisak ding hi ung. Adang theih nop na neih leh CAP website www.captulsa.org ah na en un.

  • April 17, 2020 - 3:41 p.m.

    Legacy plaza leh Support Service Omna Sang te kikhak lai ding a, HQ Nasem te zong Friday May 29 ni dong inn pan nasem lai ding uh hi.

  • April 1, 2020 - 11:12 a.m.

    COVID-19 natgual hang in Pilna tawh kisai zumpi ahi ( The State Department of Education) leh CAP tawh nasem khawm Kumpi Sang te khentatna tawh kizui in CAP Tulsa Sang pen tukum Sangkah kum abei dong June ni 4 ni dong ki khak ding hi.Tua ahihmanin Summer U KhalSang zong aom leh aom loh ding pen mai kal sawn ah khentsat na kineih khit teh hong kitheisak ding hi. Inn ah naupang te laihilh dan ding hong hilh ding website athakkhat zong ki vaihawm laitak hi. Hehpihna tawh CAP website www.captulsa.org leh CAP facebook ah thuthak theihsakna te na en zel ding hong hanthawn nuam ung.

  • March 26, 2020 - 12:48 p.m.

    Oklahoma State Pilna tawh kisai zumpi (The Oklahoma State Department of Education) ten 2019-2020 Sangkah kum a ding Sangkhak ding leh online tawh laisin ding in thukimna nei uh hi.Hih Sangkhak na tawh kisai CAP Tulsa in Head Start zumpi pai dan ki zui hi, Tulaitak apiang thu tawh kizui in Head Start zum leh adang Sang ten Tulsa Cidam na tawh kisai zum ( health department ) pan thukhun te azui mah bang CAP Tulsa in zong tua thukhun zui ding in khentatna ki nei hi. Hibanglaitak in naupang te leh innkuan pih te ahoih pen huhna piak thei na ding leh CAP nasep te ading amuanhuai na ding gelna kinei hi. Tua gelna te akiciat khit teh CAP nasep te leh sangnaupang te ih innkuan pih te, phone tawh ahi zong, website leh facebook pan ahi zong hong ki theisak ding hi. Na lungduaina uh leh nong theisiam na te tung lungdam ung.”

  • March 17, 2020 - 10:29 a.m.

    CAP Tulsa in cidam na leh amuanhuai tak om thei na ding in COVID-19 natgual tawh kisai thuthak aom bang bang hong kizasak toto ding hi.Hih natgual tawh kisai ahun zui in kikhel ahihman in, tulaitak thuthak zaksakna pen anuai ah kisim thei hi:- Oklahoma State pilna tawh kisai zumpi ( Oklahoma State Department of Education) ten COVID-19 natgual akilawh loh na ding in thukhun hong piak mah bang in CAP Tulsa Sang khem peuh Monday March 23 pan April ni 3 Friday nidong Sangkhak ding hi.

    - CAP Tulsa zumpi Legacy Plaza zong April ni 3 Friday dong kikhak ding hi.

    o Naupang Sangap na pen captulsa.org/apply/early-childhood-education ah ki ap thei hi.Sangap te kimuhkhop dotna (interview) pen CAP Sang aki hong kik hun April kha teh McClure ah ki nei thei ding hi.

    o 2020-2021 Sangkah kum ah Sang hong kah kik ding Sangnaupang alui te Sangap nai lo ih om leh CAP Sang ki hong kik ding hun April kha sung mah in McClure Sang ah kiap kik thei ding hi.Adang theih beh ding thuthak aom leh aom bang bang social media (facebook)pan ahi zong, phone tawh ahi zong CAP website captulsa.org/covid19 pan hong ki thei sak ding hi.

  • March 16, 2020 - 5:44 p.m.

    Oklahoma State Pilna tawh kisai zumpi ahi (Oklahoma State Department of Education) pan COVID-19 natna kilawhloh na ding thukhun tawh kizui in CAP Sangkhem peuh Spring break Sangkhak khin teh March 23 Monday ni pan April 3 ni Friday ni dong Sang kikhak suak ding hi. Neklehdawn kisam innkuan ii om khakleh CAP Sang te leh adang kipawlna te (“grab and go”) neklehdawn lak theih nading mun te ki vaihawm hi. Tua amun te ding pen CAP website ah March ni 20 ni Friday ni in ki suak sak ding hi. Tua khin teh Innkuan huh (family support) ten zong innkuan te phone tawh hong sam ding uh hi, akisap leh inn ah neklehdawn hong puak ding uh hi. COVID-19 tawh kisai theih beh nop na neih leh CAP website ahi captulsa.org/covid19 ah ki en thei hi.

  • March 15, 2020 - 10:24 p.m.

    Tulaitak CDC te thupiak na leh deihsak na tawh ki zui in, mi 50 pan a tung siah kikai khawm thei lo, om khawm thei lo ding ci a hih man un, thuthak zaksak na a om kik masiah, CAP Tulsa Headquarters a nasem khempeuh in inn pan na sem ding uh hi. Tua a hih man in, tulaitak Legacy Plaza a Admission Office ki khak a, innkuan kua mah pai thei lo ding hi. March 16-20 sung CAP Tulsa Schools khempeuh spring break sang kikhak a, thu dang tuamtuam a om kei nak leh Monday, March 23 ni sang ki hong kik ding hi.

  • March 13, 2020 - 10:19 a.m.

    COVID-19 husan natna tawh kisai thu thak aom bang bang hong ki zasak toto ding hi.Hih natna aom sung teng khualzin dan ding tawh kisai zaksakna ah natna kidal dan tawh kisai nasem te ahi (the Centers for Disease Control and Prevention CDC) te tung pan thuzasak na te anuai ah hong thei sak kik ung.

    Hih spring break Sangkhak sung teng in US sung leh gampualam ah khualzin ding ahihkeileh mundang gamdang pan na inn ah zin hong tung ding aom leh anuai ah zui ding thu pawl khat hong thei sak nuam ung.

    CAP Tulsa nasep te bek a ding

    - Atung ah thu tawh akituak in thu piang na neih leh nasep na Ulian te supervisor te kiang ah thuzasak pah in.

    CAP Tulsa Nasem te leh Sangnaupang innkuan pih te adin

    - CDC te thukhun tawh kizui in “Level2 and 3 aom gam” ah khualzin na hih leh mi dang tawh ki gamla na mun ah nang bek na om phot ding kisam hi. (ni 14 sung om ding kisam ding hi)

    - Cisateh na thermometer te zang in nikhat nih vei cisa teh na tawh na cidamna en den in. Bukkhun leh husan haksana na neih leh naneih loh zong en in. Tua bang natna dan na neih leh na siavuan te kiang thu zasak in ahihkeileh Emergency room (ER) ah pai in.

    - Hih COVID-19 tawh kisai adang theih beh nop aom leh Tulsa cidamna taw kisai (Tulsa Health Department) ah zong ki dong thei hi. Phone nambat pen 918-582-9355 hi.

    - Azenzen in hih atung a lai aki at mah bang in na cisa in damlohna na neih leh kampan akiteh cisateh na te zang in na cisateh in. cisa (100.4° F /37.8° C or atamzaw) ahihleh inn ah om in Sang ahihkeileh nasep hong pai nai kei in. Nai 24 sung na ci asat nawn kei leh adang husat na tawh kisai natna (Gentehna: bukkhuh) natna na neih nawn kei leh, nai 24 sung natna tawh kisai zatui nek ding akisap nawt loh teh Sang ahihkeileh Nasep hong pai kik pan in.

    - Mipi zat mawtawpi, taxis ahihkeileh adang mipi tawh zatkhawm tuang theih te tuang kei in. - Mihon om na mun pai kei in ( Gentehna: Zipaina (shopping) ahihkeileh Movie etna) adang mihonpi om na ah pai kei in.

    - Mi dang khat tawh kimuhna kihona na neih ding leh na kikal ah kihal na om sak in (letmat 6 ki hal sak in)

    -Hih bang hun lai tak mi khat leh khat natna kilawh ding baih mahmah hi. Coronavirus natgual kilawh dan ataangpi in gen na:

    - Bukkhuh ahihkeileh hahchiai na pan- Mikhat leh khat kimuhna gentehna ki khoih na ahihkeileh khut kiletna

    - Natna lungno omna mun na khoih khin teh tua na khut tawh na kam, na nak ahihkeileh na mit te khut sawp lo in na khoih na pan zong kilawh thei hi.

    Tua bang apiang loh na ding anuai a dan zui in kidal na kinei thei hi: - Seconds 20 sung satpiang leh tui tawh na khut mantak in sawp den in.

    - Alcohol tawh akibawl khutsiang sak na te zang in (60% alcohol ahihkeileh atamzaw)

    - Na Sangnaupang ten akhut hoih tak asawp ding huh in.

    - Natna kilawh loh na ding nata aci anat leh inn ah om sak in.

    - Bukkhuh teh ahihkeileh hahchiai teh na nak leh na kam pen na kiu zang in hum in.

    - Damlohna (cold ahihkeileh Flu) aneih te gei ah om kei in.

    Hih thu tawh kisai ahihkeileh khualzin na tawh kisai theibeh nop na neih leh anuai a website ah ki et thei hi:Centers for Disease Control and Prevention (CDC),Oklahoma State Department of Health Tulsa Department of Health

  • March 12, 2020 - 9:42 a.m.

    Innkuan pih mimal khat ciat cidamna, amuan huai tak om na ding leh na hoihtak sep theih na in ko ading athupi pen hi. Tulsa sung ah COVID-19 (coronavirus) natna tawh kisai zaksak na kikup na tampi kinei hi. COVID-19 cih pen husan na pan apiang natna lungno nam khat hi, tua lungno pen cisa, bukkhuh leh naaklah na hong piang sak thei lungno nam hi a, mihing khat leh mihing khat kilawh theih natna hi.

    CAP Tulsa pan behlap in natna pan kidal na ding in Tulsa Health Department (THD) te tawh thukizakna kinei den hi, tua khit teh Tulsa Health Department (THD) ten natna pan kidal ding dan hong hilh mah bang in kiimlehpaam ah akilawhtheih natna pan kidal ding dan te kizui hi. Tulaitak hih apiang thu tawh kisai US (United State) sung om Sang te akhak om lian nai lo hi.

    Hih natna pan kidal na ding leh kilawhloh na ding in Spring Sangkhak sung teng Sanginn sung avekpi in lungno that na zatui tawh ki siansuah ding hi. Head Start te thukhun tawh kizui in siansuah na kinei ding hi. Hih natna abei dong in akisam bang bang siansuah na kinei suak ding hi.

    Nang leh midang te natna lungno a ngah loh na ding cidam na tawh kituak gamtat nate ii zuih ding thupi hi.Tu te pen:

    - Atawm pen second 20 sung satpiang leh tui tawh na khut sawp den in
    - Huih sung ahihkeileh nakhut sung ah bukkhuh ahihkeileh hahsiai (sneezing) ken
    - Nakhutsawp lo in namit, nakam leh nanak lawng ken
    - Adamlo te ngei ah om kei in
    - Navan zat te leh na khat peuh peuh na khoih khit teh lungno that na tawh siang sak pahpah in
    - Naupang te aci anat leh inn ah om pih in
    - Khua hun kilaih sim in flu shot kisut sak in
    - Tuithawl, nawithawl, hai leh um leh bel te siang sak den in

    Spring break Sangkhak sung in khualzin ding nahih uh leh hih COVID-19 virus natna om ahih man in hoihtak na ngaihsut ding tha hong pia ung.Tua tawh kisai theihbeh nop aom leh hehpihna tawh The Centers for Disease Control (CDC): https://www.cdc.gov/coronavirus/2019-ncov/travelers/index.html website ah en in.

    Nang ahihkeileh na innkuan sung ah damlohna COVID-19 virus natna angah aom leh siavuan te theisak in, apua na pai teh ahihkeileh inn ah na om teh zong cidam na tawh kituak om dan te na zui ding kisam hi.

    Tua COVID-19 virus tawh kisai zuih dan ding te Tulsa Health Department website ah at uh a https://www.tulsa-health.org/coronavirus-disease-2019-covid-19ah ki en thei hi. Adang thei beh nop na neih leh the Centers for Disease Control https://www.cdc.gov/coronavirus/2019-ncov/about/prevention-treatment.htmlwebsite ah ki en thei hi.